Home / Aktualitet / Alimehmeti flet për valën e dytë: Iku koha e sharrës, tashmë është ajo e bisturisë

Alimehmeti flet për valën e dytë: Iku koha e sharrës, tashmë është ajo e bisturisë

Epidemiologu i njohur, Ilir Alimehmeti ka thënë ditën e sotme se Shqipëria duhet të shohë mundësinë e masave më të buta, duke u shprehur konkretisht “iku koha e sharrës, tashmë është koha e bisturisë”.

Shqipëria po le pas valën e dytë dhe më të ashpër të koronavirusit. Në vlerësimin e specialistëve, pozitiviteti nga infektimet e reja këtë periudhë ka rënë nën 20%, duke zbritur nga kulmi që u shënua në fillim të marsit.

Epidemiologu Ilir Alimehmeti tregon në “A2News” se përmirësimi i situatës po reflektohet edhe në uljen e shtrimeve në spital dhe të humbjeve të jetës. Por, Alimehmeti thekson se kjo situatë nuk duhet të na çojë në mosrespektim të masave, veçanërisht pas ngrohjes së motit.

Epidemiologu rekomandon që edhe ekspertët e Komitetit Teknik të ndjekin një politikë tjetër për rregullat anti-Covid: “Ne vijojmë të kemi vatra, pasi masat i kemi për të gjithë njësoj, ndërkohë që këto masa nuk i prekin të gjithë njësoj. Kështu që, duhet të jemi të qartë në këtë drejtim. Është koha e masave elegante, ka ardhur koha e bisturisë dhe ka ikur koha e sharrës”.

Në lidhje me diskutimet për AstraZeneca, edhe Alimehmeti thotë se tashmë, jo vetëm Agjensia Europiane e Barnave, por edhe Bordi për Sigurinë e Vaksinave në Shtetet e Bashkuara të Amerikës, ka njohur efikasitetin e saj. Ndërsa vaksina ruse Sputnik V, që mbërriti në Shqipëri, sipas Alimehmetit, ka të dhëna të mira dhe po shqyrtohet nga EMA.

Check Also

U arrestua me 1 kg kokainë, ja kush është efektivi i RENEA-s/ FOTO

Detaje të reja janë zbuluar në lidhje me arrestimin në flagrancë të një efektivi të …

Leave a Reply

Your email address will not be published. Required fields are marked *

19 − eleven =