Home / Kryesore / 7 Këshilla mjekësore për të mos ngatërruar Koronavirusin me…

7 Këshilla mjekësore për të mos ngatërruar Koronavirusin me…

Nga Lutfi Dervishi

1. Nëse e ndjeni trupin të lodhur/këputur, mos u trembni. Nuk është shenjë e koronavirusit. Duhet të ngriheni nga divani/kolltuku/krevati/karrikja dhe të shplodheni nga lodhja e gjatë.

2. Nëse keni fytin e thatë, mos u alarmoni- nuk është shenjë e koronavirusit. Thjesht kujtohuni se kjo mund të vij nga dëshira për të pirë një lëng portokalli dhe kjo dëshirë përplaset me faktin që çmimi i portokalleve po rritet me shpejtësi.

3. Nëse keni vetëm dhimbje në mushkri, mos u frikësoni, – dhimbja vjen nga befasia që po jetojnë mushkritë këto ditë- nuk janë mësuar me ajër të pastër. Bëni ushtrime të lehta frymë-marrje dhe do t’iu kalojë.

4. Nëse keni vetëm temperaturë- nuk do të thotë se keni marrë virusin- është përgjigje e trupit ndaj stresit të krijuar për shkak të kushteve të reja të krijuara. është i njëjta simptomë që kanë të dënuarit nga gjykata me arrest shtëpie!

5. Nëse zgjoheni me ethe dhe makth, nuk do të thotë se keni koronavirusit – makthet vijnë pas një gjumi të trazuar, ndoshta keni parë veten në ëndërr duke pirë kafe në ndonjë lokal, duke ngrënë drekë në restorant, duke shëtitur në park apo duke parë ndonjë ndeshje futbolli!

6. Nëse ndjeni vetëm dhimbje koke, nuk është shenja e koronavirusit. Eshtë normale për këtë periudhë. Është data 26! Kujtohuni se është fundi muajit dhe duhet paguar fatura e ujit/dritave/celularit/qerasë…

7. Nëse keni të gjithë shenjat e mësipërme, mos u alarmoni, – fikni televizorin, vendosni në karikim celularin, shkëputuni nga lajmet për 20 minuta dhe shpenzoni 20 sekonda për të larë duart dhe për të freskuar mendjen!

Check Also

Koronavirusi/Izolimi po jep rezultatet e pritura,shumë shpejt ky shtet do t’i kthehet normalitetit

Qytetarët në Danimarkë duket se kanë respektuar vetëizolimin, aq sa kryeministrja është shprehur shpresëplotë se …

Leave a Reply

Your email address will not be published. Required fields are marked *

nineteen − 2 =