Home / Histori / 25 vite nga masakra e Srebrenicës, Meta vjen me një mesazh

25 vite nga masakra e Srebrenicës, Meta vjen me një mesazh

Presidenti i vendit Ilir Meta, ka kujtuar sot 25 vjetorin e Masakrës së Srebrenicës, duke e quajtur atë “gjenocid i një shkalle të paprecedentë në zemër të Europës, qe nuk duhej të ishte lejuar të ndodhte”.

Meta shkruan se mizori të tilla nuk duhen lejuar kurrë më të ndodhin në rajonin tonë.

Mesazhi i Metës:

Masakra që ndodhi në Srebrenicë 25 vjet më parë, ishte gjenocid i një shkalle të paprecedentë në zemër të Europës, që nuk duhej të ishte lejuar të ndodhte.

11 korriku 1995 shënon një moment historik të rëndësishëm dhe të paharruar për të gjithë ne. Ndërsa sot kujtojmë viktimat e pafajshme dhe të gjithë ata që pësuan tmerre të paimagjinueshme në gjenocidin e Srebrenicës, duhet të reflektojmë dhe t’i shqyrtojmë me shumë kujdes veprimet tona, për t’u dërguar një mesazh të qartë brezave të ardhshëm, për të mos i harruar dhe për të mos i lejuar kurrë më të tilla mizori të ndodhin në rajonin tonë.

Është e një rëndësie jetike që bashkëjetesa etnike-fetare dhe kulturore të ruhet e të forcohet, pa lejuar askënd të helmojë dhe të përçajë popujt dhe kombet tona, qoftë edhe duke ricikluar ide që sjellin ndërmend shpërnguljet masive, në mënyrë që tragjeditë e përjetuara t’i përkasin vetëm të kaluarës së hidhur por jo shumë të largët të rajonit.

Duke ju bashkuar sot lutjeve për shpirtrat e viktimave dhe dhimbjes së patreguar që përjetuan popujt dhe kombet e Ballkanit, në nderim të kujtimit të tyre, duhet të forcojmë bashkëpunimin dhe bashkëjetesën për të ecur përpara drejt të ardhmes së përbashkët në Bashkimin Europian.

Check Also

Gjobiten 690 qytetarë pasi u kapën pa maska mbrojtëse

Ndëshkohen me masë administrative 3.000 lekë, 690 qytetarë që u konstatuan pa maskat mbrojtëse. Ndëshkohen …

Leave a Reply

Your email address will not be published. Required fields are marked *

8 + 8 =