Dy raportime krejt të ndryshme për një ngjarje: Ja e vërteta e tmerrit të Havanas në Dhërmi

KronikeKryesore
56
0
sample-ad

Ngjarja e tmerrshme në një lokal luksi në Dhërmi përveçse panik dhe frikë për njerëzit që kanë qenë present po ofron gjithnjë e më shumë kaos dhe paqartësi për publikun.

Policia dhe dëshmitarët në vendngjarje kanë opsione të ndryshme.

Ne po japim më poshtë dy nga këta versione: të gazetarit të top Channel , Erion Dushi, por edhe të Policisë së Shtetit. NJëri dëshmitar në ngjarje dhe rrëfen me përpikmëri çka ndodhur dhe policia vetëm sa e komplikon situatën.

 

Versioni i Gazetarit

 

Unë jam nga ata persona që nuk e frekuentoj jugun prej 2012-ës dhe shumë syresh më kritikojnë pse unë e eksportoj jashtë lekun por me lejoni t’ju them se nga ajo që pashë tek ai lokal dje ku ndodheshin edhe figura të tjera publike, prindër me foshnje, një vajzë shtatzanë e shumë të tjerë jam krenar që nuk kam ardhur më parë.

Unë gjendesha një tavolinë larg sherrit që degjeneroi në përdorim arme dhe shihja vetëm njerëz të tmerruar që përpiqeshin të gjenin strehë përfshi dhe mua. Mu duk vetja sikur isha në luftë ku e vetmja gjë që më shkonte në mendje ishte nëse isha plagosur kund teksa prekja trupin për njolla të mundshme gjaku. Mu kujtua filmi “the kingdom” teksa vrapoja rrugicave mes lokaleve dhe terhiqja pas vetes miken time të shokuar që ende dridhej dhe më kërkonte mos të rendnim pas turmës.

Nuk u interesova kush vdiq e kush shpëtoi por gjithë kohën komunikoja me pjesën tjetër të shoqërisë për të mësuar nëse ishin shëndoshë e mirë dhe këshillonim njëri-tjetrin të rrinim fshehur. Lavdi Zotit, të gjithë shpëtuam paq, ndërkohë që në vendngjarje policia mbërriti pas 10 minutash.

Po, unë isha në një fshat turistik shumë të prokllamuar për mirë e keq. Isha mes qindra syresh që si unë kërkonin të shijojin pushimet e mes tyre gjendeshin këta çuna mamash të bukura e baballarësh me lekë, që mburrren para të tjerëve për sasinë e alkolit që kanë përpara në tavolinë, për varëset e orat e shtrenjta, për femrat mjerane që u rrinë nga pas si qeni pas kotheres së bukës.

Isha në një ambjent ku truprojet që nuk të lenë të hysh i pashoqëruar ishin të parët që u larguan nga vendi i ngjarjes e manaxheri nga ana tjetër nuk po gjente ku të fshijej se në nevojtore kishin hyrë mbi 5 persona për m3. Isha në një vend, ku nuk pashë frymë uniforme policore e më shumë se kurrë sot e kuptoj sa të rrezikuar jemi para këtyre palaçove kokëdhjamosur që janë gati të shkrepin armën nëse guxon qoftë t’i shohësh të dashurën e shpërfytyruar nga make-upi i rënduar.

Po, premtoj që për pushimet e mia do ta injoroj këtë vend të shkuar për dreq nga persona që jetën e kanë gjënë më të lirë e ku rendi e siguria nuk të ofrohen sikurse në vendet e tjera.

 

Versioni i Policisë

 

Ne Dhermi Nuk ka asnje te lenduar asnje te plagosur asnje viktime.

Ka ndodhur nje konflikt ne nje lokal. Nje person ka qelluar me arme ne ajer .

Policia  ka nderhyre menjehere ku ka bere te mundur  kapjen dhe shoqerimin e  autorit te dyshuar . 

Grupi hetimor eshte duke punuar per dokumentimin e  plote te ngjarjes.

_________________

Dhërmi, Himarë.

Policia arreston në flagrancë një 21 vjeçar i cili qarkullonte me armë zjarri me vete .

Shërbimet e Policisë  në Dhërmi , kanë marrë informacion se një i ri po lëviste me armë  zjarri me vete, si pasagjer në një automjet  BMV X5.

Policia menjëherë ka organizuar punën, ku rreth orës 23.00, në fshatin Dhërmi, bashkia Himarë, në lagjen “Gjilek”, është konstatuar mjeti që dyshohej se lëviste personi që kishte armë me vete.

Gjatë kontrollit fizik të bërë shtetasit Rei Vrapi, 21 vjeç, banues në Vlorë, Policia i gjeti dhe sekuestroi në cilësinë materiale një armë  zjarri e markës TT me një kreher me 7 fishekë.

Ky shtetas ishte duke udhëtuar si pasagjer në automjetin e markës BMË X5 me pronar shtetasin R.S., 22 vjeç, banues në Vlorë.

Në automjet udhëtonin edhe 3 persona të tjerë, të cilët  së bashku me automjetin janë shoqëruar në ambientet e Komisariatit të Policisë Himarë për veprime të mëtejshme hetimore.

Në përfundim të veprimeve të para hetimore të kryera nga Specialistët për Hetimin e Krimit në Komisariatin e Policisë Himarë, u bë arrestmi në flagrancë i shtetasit Rei Vrapi, për veprën penale “Prodhimi dhe mbajtja pa leje e armëve luftarake dhe municoinit”,   ndërsa personat e tjerë janë  lënë të lirë.

Materialet i kaluan Prokurorisë për veprime të mëtejshme.

/shtypi.net/

Facebook Comments

POST A COMMENT.

3 + 10 =