Donald Trump dhe lidhja me pornostaren, FBI sekuestron dokumentet e avokatit

Aktualitet
292
0
sample-ad

Agjentët e Byrosë Federale të Hetimeve konfiskuan dokumente të avokatit personal të presidentit Donald Trump, Michael Cohen, në zyrën e tij në Mahatan të Nju Jorkut.

Kjo u bë e ditur në një deklaratë të avokatit te Cohen, Stephen Ryan. Urdhri i bastisjes u ekzekutua nga zyra e avokatit për qarkun jugor të New York, por ato kanë lidhje vetëm “pjesërisht” me hetimet e prokurorit të posaçëm Robert Mueller.

CNN, që citon burime të afërta me çështjen, pretendon se dokumentet e konfiskuara përmbajnë informacione mbi aktoren e filmave për të rritur Stormy Daniels, e cila pretendon se ka pasur lidhje me Donald Trump në vitin 2006.

Michael Cohen është vënë nën vëzhgimin e pandërprerë të medias, për shkak të një pagese prej 130 mijë dollarësh që i ka bërë pornostares, për ta detyruar të heshtë mbi marrëdhënien me Trump.

Facebook Comments

POST A COMMENT.

seventeen + 13 =