Dhjetëra mijëra sirianë mësyjnë Turqinë

AktualitetKryesore
231
0
sample-ad
largea_3595ce78-1bcf-4556-88eb-3640232ab785_cx0_cy6_cw0_w1000_r1_s_r11454658695

Dhjetëra mijëra sirianë janë larguar në drejtim të kufirit të Turqisë për të shpëtuar nga luftimet e ashpra pranë qytetit verior Aleppo.

Kryeministri turk, Ahmet Davutoglu, ka thënë të entjen se deri në 70 mijë njerëz mund të drejtohen kah kufiri i Turqisë, derisa një grup monitorues tha se ky numër është rreth 40 mijë.

Forcat qeveritare siriane, të mbështetura nga sulmet ajrore ruse, kanë avancuar pranë qytetit më të madh të vendit.

Rreth 300 mijë njerëz besohet se janë të bllokuar në Aleppo, pasi rruga kryesore e furnizimit të kryengritësve është shkatërruar nga forcat qeveritare gjatë një ofenzive që ka ngjarë teksa bisedimet për paqe në Gjenevë, të ndërmjetësuara nga Kombet e Bashkuara, kanë nisur këtë javë.

Bisedimet janë pezulluar të mërkurën dhe të njëjtat pritet të vazhdojnë më 25 shkurt.

Ahmet Davutoglu e ka akuzuar Rusinë dhe mbështetësit e tjerë të regjimit të presidentit Bashar al-Assad, për “krime lufte”.

Facebook Comments

POST A COMMENT.

17 + 4 =