Varë veten në qeli, vrasësi i Kosovarëve

Kronike
229
0
sample-ad

Sipërmarrësi italian i cili vrau dy ish-punonjësit e tij nga Kosova më 15 shtator, është vetëvrarë në qelinë e burgut. Gianluca Ciferri 48 vjeç nga Fermo, vrau dy ish-punëtorët e tij Nexhmedin Mustafa 38 vjeç dhe Valdet Avdyli 26 vjeç, pasi i kërkonin rrogat e prapambetura që shkonin rreth 20 mijë euro.

Sipas medieve italiane, Ciferri ka varur veten me çarçafë të lidhur në hekurat e dritares së banjës gjatë natës. Trupi i tij i pajetë është gjetur rreth orës 4 të mëngjesit nga i burgosuri që rrinte në të njëjtën qeli me të. Gjithashtu bëhet me dije se 48-vjeçari ka lënë edhe një letër, që mendohet të jetë për bashkëshorten dhe tre fëmijët e tij.

Ciferri ishte dërguar dy javë më parë nga burgu i Fermos në burgun e sigurisë së lartë të Ascolit, ku mbahej nën kontroll 24 orë në ditë,  nga frika mos ndonjë i burgosur shqiptar apo kosovar hakmerrej.

Facebook Comments

POST A COMMENT.

5 × five =