Presidenti grek identifikon Himarën si pjesë të Vorioepirit

KryesorePolitike
348
0
sample-ad

Një tjetër “skandal”, mbi pretendime për territorin shqiptar është shfaqur në Greqi. Faqa zyrtare e Presidencës greke, e ka identifikuar  Himarën si pjesë të Vorioepirit.

Bëhet fjalë për identifikimin e vendlindjes së një shqiptareje, Ermioni Bringut,  të dekoruar nga presidenti Papulias, për të cilën konstatohet se vendbanimi i saj është “Himara e Voriepirit”.

Pala shqiptare ka reaguar menjëherë në lidhje me këtë incident. Sekretari i Përgjithshëm i MPJ-së Qirjako Qirko i parashtroi ambasadorit grek në Shqipëri Rokanas, shqetësimin e tij lidhur me këtë pasqyrim në faqen zyrtare të Presidencës së Republikës së Greqisë.

Qirko kërkoi heqjen e menjëhershme të këtij përcaktimi nga faqja e internetit të Presidencës së Greqisë, mbasi sipas tij ky term nuk është koncept politiko-administrativ në Republikën e Shqipërisë, ndërkohë që përdoret rëndom nga qarqe antishqiptare, të cilët, në kuadër të pretendimeve territoriale identifikojnë me këtë term Shqipërinë e Jugut.

Ambasadori grek u shpreh se do të informojë menjëherë autoritet e Presidencës greke për të bërë korrigjimin përkatës.

Facebook Comments

POST A COMMENT.

5 × two =